Земјотрес со јачина од 3,0 степени ја стресе Љубљана, а жителите опишале дека траел неколку секунди и дека звучело како нешто да експлодирало.
„Земјотресот со јачина од 3,00 степени според Рихтеровата скала денеска ја погоди областа во близина на словенечкиот главен град“, објави Европскиот медитерански сеизмолошки институт (ЕМСЦ). Земјотресот е регистриран во 13:03 часот.
Map of felt reports received so far following the #earthquake M2.9 in Slovenia 41 min ago pic.twitter.com/RF3inkjTIJ
— EMSC (@LastQuake) April 20, 2021
Словенечките сеизмолози објавија дека јачината на земјотресот е 2,9 степени според Рихтеровата скала. Според првите податоци, епицентарот бил на десет километри источно од Љубљана, во близина на Домжале.
Граѓаните кои го почувствувале земјотресот пријавиле во евро-медитеранскиот сеизмолошки центар дека земјотресот траел само две-три секунди, но изгледало како нешто експлодирало.
Според еден граѓанин, земјотресот бил придружуван од многу необичен звук, сличен на подземна експлозија.