Една жена загина кога паднала од височина од 8 метри додека била на ролеркостер.
Се верува дека жртвата (57) „се лизнала од седиштето“ во паркот за диви животни и забава Клоти во Германија, јавува британско „Metro“.
Покрената е истрага дали инцидентот е „резултат на вина на трето лице“.
Остануваат нејасни точните околности на трагедијата.
Во моментов нема сомнеж за кривично дело, нагласи во понеделникот јавното обвинителство во Кобленц, според локалните извештаи.
Жената од Сент Вендел починала на лице место околу 16 часот и 30 минути, а ќе биде извршена обдукција.
Во меѓувреме, „Билд“ пренесува дека експерти ќе го испитаат ролеркостерот за да ги бараат „можните причини за несреќата“.
Паркот ќе остане затворен до понатамошно известување.
Првпат беше отворен во 1970 година како парк за диви животни и се прошири во рекреативен и семеен парк во 1990-тите.