Жена со тешки телесни повреди била префрлена во штипската болница откако во неа удрил автомобил на улица „Лески“ во Штип.

„Вчера во 11 часот и 20 минути било пријавено дека на улица „Лески“ во Штип патничко возило „голф“, со штипски регистарски ознаки, управувано од Т.А.(57) од Штип, удрило во пешакот В.Д.(75) од Штип“ соопшти МВР.

Во незгодата В.Д. се здобила со тешки телесни повреди, по што била пренесена во Клиничката болница Штип за укажување на лекарска помош.

Увид на местото на незгодата извршила увидна екипа од СВР Штип.