Следејќи го патот на имунизација, претседателот на Србија, Александар Вучиќ, се вакцинирал во Рудна Глава, место во близина на општината Мајданпек. Денес ова село стана центар на сите настани во Србија, бидејќи првиот човек на државата најавич вакцинирање во него, по неколку одложувања.
И од денес, жителите на Рудна Глава ќе можат да се пофалат дека претседателот ја добил првата доза од вакцината против коронавирус баш кај нив.
„Утре ќе ја примам вакцината Синофарм и верувам дека голем број луѓе потоа ќе ја прифатат вакцинацијата во Србија“, објави Вучиќ за неговото пристигнување во Рудна Глава претходниот ден.
Повеќето жители на Рудна Глава со кои разговарале од „Нова.рс“ рекле дека досега не биле вакцинирани, односно дека чекаат да дојде Вучиќ за да можат да ја примат вакцината заедно со него.
Во пресрет на Вучиќ, жителите на ова село ги завршиле сите работи на уредување на селските улици по кои биле поставени знамињата на Србија. Центарот на селото бил донесен во најдобар ред и сè било подготвено за доаѓање на човекот од кого локалното население очекува не само вакцини, туку и конкретна помош за да започне да се развива најголемото село во општината Мајданпек.