Знаците на рак на кожата може да се развијат по само 15 минути поминати на сонце, еве како да ги препознаете

од Milan1
92 прегледи

Најголемата светска независна организација за истражување на ракот Cancer Research UK ги поттикнува луѓето да внимаваат на овие рани предупредувачки знаци на рак на кожата, кои можат да бидат последица на само 15 минути на сонце и кои може да се развијат во потенцијално смртоносен рак во рок од само четири недели.

„Изгорениците од сонце го зголемуваат ризикот од развој на рак. Тие се оштетувања на кожата и реакција на телото кое се обидува да ја обнови кожата. Тоа е јасен знак дека ДНК во вашата кожа е оштетена од преголемата изложеност на УВ-зрачењето. Ако еднаш изгорите на сонце, тоа не значи дека автоматски ќе заболите од рак на кожата, но колку повеќе изгореници заработите во текот на животот, толку е поголем ризикот да добиете рак на кожа. Затоа е важно да се трудите да останете под сенка што е можно повеќе, особено помеѓу 11 и 16 часот, да носите широка облека, широк шешир и очила со УВ-заштита, како и обилно и редовно да нанесувате заштитен крем со најмалку фактор 30“, порачуваат експертите.

Тие исто така додаваат дека немеланомските тумори на кожата најчесто се развиваат на кожа изложена на сонце, а за да може да ги забележите знаците на рак што е можно порано, корисно е да знаете како вообичаено изгледа вашата кожа. На тој начин полесно ќе ги забележите евентуалните промени.

За да ги прегледате подрачјата на кожата кои не се лесно достапни, можете да се обидете да држите мало козметичко огледало во раката и да го набљудувате одразот на кожата во друго огледало. Или можете да го замолите партнерот или некој член од семејството да ве прегледа.

Ова е особено важно ако поминувате многу време на отворено секој ден, било за работа или за одмор. Можете, исто така, да снимите сè што не ви изгледа како што треба.

Туморите на кожата може да изгледаат многу различно. Може да биде:

– точка или рана
– мала грутка
– црвена или темна дамка
– може да чешаат, да крвават или да имаат краста

Колку порано се открие ракот на кожата, толку е полесно да се лекува. Затоа, важно е што побрзо да се обратите на лекар доколку забележите каква било промена на кожата, предупредуваат експертите.

Слични содржини