Од тост и јајца за појадок до кифли за вечера, лебот е важен дел од оброците во многу домови. Во многу случаи, лебот може да биде и здрав дел од вашата исхрана. Имено, одредени видови леб од цели зрна и видови богати со протеини можат да помогнат во обидите за слабеење и намалување на крвниот притисок, покажаа студии.
Сепак, постојат некои сериозни индикации дека лебот не е добар за вашата исхрана или за вашето здравје, а ова се некои од знаците дека треба да престанете да јадете леб:
1. Добивате тежина
Ако забележите дека бројот на вашата вага постојано расте, можеби е време да го намалите внесувањето на леб – особено ако белиот леб е вашиот омилен вид. Според студијата објавена во BMC Public Health од 2014 година, јадењето на две или повеќе парчиња бел леб на ден било значително поврзано со ризик од прекумерна тежина или дебелина, па доколку сакате да изгубите тежина, исфрлете го белиот леб од вашата исхрана.
2. Висок крвен притисок
Без разлика дали со години се борите со хипертензија или само неодамна откривте дека вашиот крвен притисок е покачен, вадењето леб од вашата исхрана може да биде најлесниот начин да ги вратите тие бројки на побезбедна територија. Студија од 2018 година објавена во „Nutrients“ открива дека консумирањето на само едно парче бел леб еднаш или повеќе неделно е поврзано со висок крвен притисок.
3. Грчеви во стомакот
Ако сте забележале дека стомакот секогаш ве боли после изеден сендвич или кифла, тоа е добар знак дека е време да се откажете од лебот. Според фондацијата за целијачна болест, луѓето со оваа болест – имунолошка состојба предизвикана од глутен – често имаат сериозна надуеност, болка, дијареја и запек после јадење храна што содржи глутен, како и повеќето видови леб.
4. Осип
Не прогласувајте го ненадејниот осип веднаш како дерматитис. Исто така, тоа може да биде знак дека треба да го исфрлите лебот од вашата исхрана. Според Националниот институт за дијабетес и дигестивни и бубрежни заболувања, приближно 10% од луѓето со целијачна болест ќе развијат дерматитис херпетиформис, кој обично се јавува на грбот, задникот, лактите, колената и скалпот, иако може да влијае на други делови од телото .
5. Шеќер во крвта
Ако неодамна сте дијагностицирале дијабетес или предијабетес, можеби ќе сакате повторно да ја испитате концумацијата на леб. Многу комерцијално достапни лебови се богати со рафиниран шеќер, што може да претставува сериозен здравствен ризик за луѓето чиј шеќер во крвта не е соодветно контролиран, пишува Eat This, Not That.