138
Советот на честа на Здружението на новинарите на Македонија (ЗНМ) ја разгледале претставката на министерот за информатичко општество и администрација, Дамјан Манчевски за веста на порталот „Вечер“ со наслов „Манчевски поттикнува насилство и повици за ликвидација“ објавен на 25 септември.
Од Здружението заклучиле дека е прекршен Новинарскиот кодекс во членовите 13 и 16, во кои новинарот треба да прави разлика меѓу факти и мислења, вест и коментар, како и да го чува угледот на професијата, да поттикнува заемна солидарност и различност на ставовите и нема да го употребува својот медиум за пресметка со личности.
Веста од порталот близок до опозициската ВМРО-ДПМНЕ подоцна беше избришана.