Зошто децата на Гејтс нема да ги наследат милијардите на нивниот татко?

од Stefanija Kuzmanovska

Бил Гејтс и наскоро неговата поранешна сопруга Мелинда се сметаа за хармоничен пар со децении. Веста за нивниот развод предизвика бројни реакции, но и прашање колку ќе биде „тежок“ разводот на еден од најбогатите парови во светот. Сè уште не е јасно како ќе се подели долгиот список на недвижнини и други вредности, но јасно е кој ќе добие најмалку – нивните три деца. Ним им припаѓа само еден процент од вкупното богатство на Гејтс.

За време на 27-годишниот брак, Бил и Мелинда Гејтс имаа три деца. Најстара е Џенифер (25), потоа нивниот единствен син Рори (21), а најмладата е Фиби (18). Гејтс, наводно, се многу строги родители. Дури, како што еднаш пишуваа медиумите, тие не дозволувале деца да користат мобилни телефони се додека не наполнат четиринаесет години.

Одлуката да не им се остави богатството на неговите деца ја објави ко-основачот на Мајкрософт пред неколку години. Како што рече, на своите деца ќе им остави само 10 милиони долари од 130 милијарди, колку што проценува Фобрс дека Гејтс е богат. Тоа значи дека Џенифер, Рори и Фиби ќе наследат нешто помалку од еден процент од богатството на нивниот татко.

Гејтс ја објасни својата одлука со следниве зборови: „Дефинитивно мислам дека оставањето голема сума пари е лоша услуга. Ворен Бафет зборуваше за тоа во 1986 година и ме натера да размислувам за тоа и да сфатам дека тој беше во право“, рече тој.

Во едно од интервјуата, милијардерот дури рече дека неговите деца се „горди што нема да наследат скоро ништо од тоа богатство“.

„Моите деца ќе добијат образование и мораат да градат свои кариери и животен пат. Толку многу пари би ги уништиле нивните животи “, рече тој и додаде дека во наредните години целиот капитал што го стекнал ќе го донира на неговата хуманитарна организација, која се бори за намалување на болестите и сиромаштијата во светот.

Децата на Гејтс не само што нема да имаат милијарди на своите сметки, туку според нивниот татко, тие нема да имаат ниту сигурна работа. Како што веќе објави, неговите наследници нема да ја водат организацијата на која ѝ ги донира скоро сите свои пари, туку дека ќе мора тие самите да најдат работа.

loading...

Слични содржини