Откако Владимир Путин и нареди на руската војска да ги стави своите сили во висока готовност за нуклеарно одвраќање, се појавија шпекулации дека Пентагон вчера прогласи Дефкон 2, односно од нуклеарна војна.
Сепак, ваквата информација не е официјално потврдена бидејќи од безбедносни причини американските власти никогаш јавно не го кажуваат нивото на опасност на земјата.
Дефкон 2 досега беше прогласен само двапати, за време на кубанската ракетна криза и војната во Заливот.
Утринава тоа ниво на опасност беше спуштено, па сега е Дефкон 3, што значи зголемување на јачината на воената готовност над нормалата. И Дефкон 3 досега е прогласен само неколку пати.
Дефкон (Defense Ready Condition) е систем што го користи Пентагон за да го означи нивото на закани од нуклеарна војна со кои се соочуваат Соединетите држави, што потоа ја одредува подготвеноста за потенцијален одговор. Има пет нивоа, Дефкон, од1 до 5.
Дефкон е најниската состојба на подготвеност, додека Дефкон 1 е максималната состојба на подготвеност, што значи дека нуклеарната војна започнува или веќе започнала. Дефкон 2 првпат беше прогласен на 24 октомври 1962 година, а ова ниво на опасност траеше до 15 ноември 1962 година.
Вториот пат Дефкон 2 беше прогласен на 15 јануари 1991 година, на почетокот на операцијата Пустинска бура во Ирак. Дефкон 3 првпат беше прогласен за време на војната во Јом Кипур или Октомвриската војна во која коалицијата на арапски држави предводена од Египет и Сирија против Израел учествуваше од 6-25 октомври 1973 година.
Исто така, Дефкон 3 беше прогласен за време на терористичкиот напад на САД на 11 септември 2001 година, а тоа ниво на тревога беше задржано до 14 септември 2001 година.
Како што пишува медиумите Русија има и своја верзија на Дефкон, иако неговите нивоа се нејасни. Дмитриј Алперович, основач на Алперович Институтот за студии за кибер-безбедност на Универзитетот Џон Хопкинс и поранешен главен технолошки директор на групата за сајбер безбедност, објави на Твитер дека Русија има четири нивоа на тревога од нуклеарна војна.
„Путин денеска нареди покачено ниво. Загрижувачко. Но, сè уште нема причина за паника“, напиша вчера Алперович на Твитер.