Шефот на палестинската Агенција за бегалци на ОН (УНРВА) вели дека Израел ги информирал дека повеќе нема да дозволува конвои со храна на УНРВА во северна Газа.
Шефот на УНРВА, Филип Лазарини, на социјалната мрежа Х напиша дека „од денес на УНРВА, главниот извор на спас за палестинските бегалци, и е ускратена помошта за спасување на животот на северот на Газа“.
„И покрај трагедијата што се одвиваше пред нашите очи, израелските власти ги информираа ОН дека повеќе нема да одобрат никакви конвои со храна на УНРВА на север. Ова е срамота и претставува намерно попречување на помошта за спасување живот за време на глад кој е створен од човечки фактор. Овие ограничувања мора да бидат укинати“, напиша тој.
Шефот на УНРВА додаде дека неговата организација е најголемата организација која може да стигне до најоддалечените заедници во Газа.
„Со спречување на УНРВА да го исполни својот мандат во Газа, часовникот ќе отчукува побрзо кон гладување и многу повеќе ќе умрат од глад, дехидрација и недостаток на засолниште. Ова не смее да се случи, само би ја оцрнило нашата колективна хуманост“, заклучи Филип Лазарини.