Гугл мапс додаде нова корисна алатка за да им помогне на корисниците да паркираат во близина на нивната посакувана дестинација, што е особено корисно ако никогаш претходно не биле на тоа место, пренесува Машабл.
Во новото ажурирање објавено во средата, Гугл мапс сега ќе повлекува информации за вашата дестинација во апликацијата додека се приближувате до неа и ќе ви покаже каде да паркирате или во кругот на зградата или во близина на неа.
Апликацијата ќе прикаже и паркинзи во близина и ќе можете да ги видите информациите за дестинацијата, како што се работното време, прегледот во живо и колку е оддалечена за пешачење од местото каде што сте моментално.
Гугл исто така ги надгради алатките за пријавување инциденти на патиштата, без разлика дали се затворени ленти, присуство на полиција или градежни работи. Иконите се поголеми и другите возачи можат да го потврдат извештајот со допирање на него во апликација.