Во Централна и Источна Европа работоспособното население ќе се намали за 10 милиони

Седум земји од Централна и Источна Европа, вклучени во анализата на Ерсте Груп, ќе се соочат со намалување на бројот на работоспособно население за околу 10 милиони до 2050 година, што ќе биде значаен предизвик за пазарот на трудот и економијата воопшто.

Намалувањето на работоспособното население во земјите од Централна и Источна Европа се чини неизбежно. До 2050 година, според анализата на Ерсте Груп, работоспособното население во седумте земји од Централна и Источна Европа ЦИЕ7 (Чешка, Хрватска, Унгарија, Полска, Романија, Словачка и Словенија) ќе се намали за околу 10 милиони луѓе, пренесува (Bankar.me).