Многу луѓе не знаат колку се навистина богати. Студиите го покажуваат тоа повторно и повторно: постои јаз помеѓу субјективната перцепција на богатството и статистички реалното богатство на Германците.
Тоа јасно се гледа во тековниот (шести) извештај на федералната влада за сиромаштијата и богатството, кој се објавува еднаш годишно. Многу граѓани сметаат дека за доходно богатство можат да зборуваат само ако имаат нето-приход од околу 9.000 евра месечно. Всушност, вие сте богати со многу помалку пари, пренесува б92.нет.
Во Германија, просечниот приход моментално е 1.947 евра нето (што одговара на приближно 3.000 евра бруто). Тоа значи дека има толку луѓе кои заработуваат помалку од оваа граница колку што има и такви чија плата е над неа. Оваа нето-плата е точно на средина на сите плати. Се смета дека имате висок приход ако заработувате двапати од просечниот приход. Значи моментално е 3.894 евра нето, пишува магазинот Феникс.
Тоа е нето приходот со кој некој се смета за богат, за кој би бил потребен бруто-приход од најмалку 6.100 евра (даночна група 1). Сите во даночната класа 3 ја достигнуваат таа магична граница со бруто-плата од околу 5.500 евра.
Кога станува збор за линијата на сиромаштија, Германците подобро разбираат кој се смета за сиромашен.
Се разбира, само приходот не е одлучувачки фактор за богатството. Имотот е многу поважен. Според истражувањето на Бундесбанк, најсиромашните 20 отсто од населението имаат имот од помалку од 6.900 евра. Најбогатите десет проценти во Германија имаат најмалку 725.900 евра. Просечното богатство во Германија е 110.022 евра – има луѓе во Германија кои имаат помалку од тоа, но и луѓе кои имаат повеќе.
Патем, Германците многу подобро препознаваат кога луѓето во Германија се сметаат за сиромашни. Во извештајот за сиромаштија и богатство, сите групи на население сиромаштијата ја проценуваат на нето-плата од околу 1.000 евра. Тоа одговара и на речиси реалната линија на сиромаштија која статистички изнесува 1.168 евра нето. Во даночната класа 1, тоа одговара на бруто-плата помала од 1.800 евра. Во даночна класа 3, со бруто приход од 1.500 евра, приближно толку и останува.