Русите тврдат дека се на чекор пред освојување на клучниот град Кураково, Украинците велат дека ги одбиваат нападите

Министерството за одбрана на Русија синоќа соопшти дека нејзините сили ја презеле контролата врз селото Максимилијанивка, на помалку од 10 километри од клучниот град Кураково во источниот регион на Украина, Доњецк. Секторот Кураково, западно од регионалниот центар Доњецк, контролиран од Русија, е една од централните точки на постојаниот напредок на Русија низ регионот. Русија вршеше притисок да стигне до логистичкиот центар Покровск, на околу 50 километри северно.

Генералштабот на украинската армија, во доцните вечерни извештаи, соопшти дека украинските сили одбиле 36 од 45 обиди за пробивање кај Куракова за 24 часа.

Популарниот украински воен блог „DeepState“ покажа дека контролата врз Максимилијанивка е оспорена.