Франција го зголемува воениот буџет и се подготвува за трка во вооружување со Русија, изјави францускиот министер за надворешни работи Жан Ноел Баро. За време на интервју за телевизијата „ЛЦИ“, новинарот го праша министерот дали Париз е загрижен за „импресивното темпо на вооружување на Русија“, нарекувајќи го „трка во вооружување“.
„Франција се подготвува за трката. Законот за воен буџет ѝ овозможи на нашата армија да го обнови своето распоредување, интервенција и одбранбен потенцијал. Нашата главна линија на одбрана денес е на југот и на истокот на Украина“, одговори Баро.
Според него, токму поради тоа Франција прави сè што е можно во воена, финансиска и хуманитарна смисла, за да ја поддржува Украина долго време и интензивно до степен што е потребно.
Во согласност со законот за воено програмирање, буџетот на францускиот воен оддел ќе се зголеми за повеќе од три милијарди евра во 2025 година и ќе изнесува 50,5 милијарди евра.