Напаѓачот (19) од основното училиште „Пречко“ во Загреб денес бил однесен под полициска придружба во болницата „Св. Дух“. Таму веднаш бил примен и му биле санирани повредите кои сам си ги нанел. Напаѓачот бил свесен за делото што го извршил.
Тој нормално комуницирал со лекарите кои го сместиле на одделението за интензивна нега и во моментов е надвор од животна опасност.
„Можеше да се види празнината во неговите очи, но тој знаеше што зборува. Тој точно опиша што направил, но не ги спомна децата, туку опиша каде е. Тој зборуваше само за своите повреди. Нормално и застрашувачки мирно одговараше на прашањата на докторот.
Да потсетиме, утрово млад човек (19) влегол во училиштето „Пречко“ во Загреб и со нож ги избодел наставничката и учениците. Едно дете (7) починало, а пет се повредени, од кои три деца и двајца возрасни. Меѓу повредените е и самиот напаѓач, кој се обидел да се самоубие, но полицијата го спречила во тоа.