До средината на јануари, севернокорејската војска во областа Курск загуби околу 4.000 луѓе убиени и ранети, што е една третина од вкупниот број војници на Северна Кореја кои учествуваат во војната против Украина. Ова го објави „Би-Би-Си“, повикувајќи се на податоци од западните разузнавачки служби.
Во борбите кај Курск загинаа најмалку 1.000 Севернокорејци. Како што истакнува дописникот за безбедност на Би-Би-Си, Френк Гарднер, таквите загуби се исклучително високи. Вкупните жртви не ги вклучуваат само убиените и ранетите, туку и исчезнатите во акција или заробените.
Сепак, Пјонгјанг може да испрати нов контингент војници во Русија во следните два месеци, пишува „Њујорк тајмс“. Извори на Блумберг запознаени со проценките на некои земји од Г20 велат дека Северна Кореја е подготвена да обезбеди до 100.000 војници за поддршка на Москва.