Земјотрес со јачина од 4,7 степени според Рихтеровата скала беше регистриран во 11:35 часот во областа Санторини, со епицентар во близина на селото Оја, на околу 25 километри североисточно.
Според податоците на Европско-медитеранскиот сеизмолошки центар, хипоцентарот се наоѓа на длабочина од приближно 14 километри под земјината површина.
Ова е трет потрес со јачина над 4 степени од утринава, а областа од раните утрински часови е погодена од повеќе од 30 земјотреси со интензитет над 3 степени.
Во меѓувреме, илјадници жители и туристи продолжуваат да го напуштаат островот, додека безбедносните мерки се заоструваат – повеќе улици се затворени со полициски ленти за да се спречат потенцијални опасности.
Фактот што за 24 часа се регистрирани над 30 земјотреси, од кои сите беа со јачина над четири степени, близу 300 од неделата или близу 600 од почетокот на сеизмичката активност пред една недела, ги остава сеизмолозите збунети бидејќи, како што велат, нешто слично никогаш не се случило. Тие нагласуваат дека е тешко да се предвиди како ќе се развие „сеизмичка бура“, но генерално не ја исклучуваат можноста од силен земјотрес со јачина од шест степени, бидејќи јазот меѓу Санторини и Аморгос се зголемува. Сепак, не очекуваат повторување на земјотресот со јачина од 7,5 степени од 1956 година, кога загинаа 53 лица, стотици беа повредени, а цунамито високо 25 метри стигна до брегот на Крит.
Photo/Freepik