10
Претседателката на Европската комисија Урсула фон дер Лајен рече дека Меѓународниот кривичен суд (МКС) гарантира одговорност за меѓународните злосторства и им дава глас на жртвите ширум светот.
Фон дер Лајен напиша на платформата „X“ дека МКС мора да има слобода да ја продолжи борбата против глобалната неодговорност.
Таа рече и дека Европа секогаш ќе ја поддржува правдата и ќе го почитува меѓународното право.
Американскиот претседател Доналд Трамп потпиша извршна наредба со која се санкционира МКС во Хаг за напади врз САД и нивните сојузници, како Израел, пренесува Танјуг.