Илјадници севернокорејски работници отишле на работа во Русија минатата година, соопшти вчера јужнокорејската разузнавачка агенција, како што јавија јужнокорејските медиуми, нагласувајќи дека тоа претставува кршење на резолуциите на Советот за безбедност на ОН наметнати против Пјонгјанг.
Како што соопшти Јужнокорејската разузнавачка служба (НИС), илјадници работници биле испратени од Северна Кореја на градилиштата низ Русија минатата година поради недостигот на работна сила во таа земја предизвикан од војната во Украина, пренесува новинската агенција Јонхап.
Врз основа на резолуциите на Советот за безбедност на ОН, беа наметнати санкции на Северна Кореја поради нејзините тестови на оружје, со кои се забранува земјата да испраќа работници во странство и се бара од сите севернокорејски граѓани да се вратат дома до декември 2019 година.
Според Јонхап, Северна Кореја и Русија се осомничени дека користеле студентски визи за испраќање Севернокорејци на работа во Русија.