Бројот на повредени во нападот во Минхен што се случи во четвртокот кога авганистански државјанин намерно влетал со возило во толпа луѓе се искачи на 36.
Меѓу повредените има и двегодишно дете чиј живот е во опасност, пренесува Билд.
Осомничениот Фархад Н. призна дека намерно влетал со својот автомобил врз демонстрантите во Минхен, а надлежните органи утврдиле дека злосторството имало исламистичка позадина.
Таа додаде дека нема докази дека осомничениот е поврзан со терористички организации како што е Исламската држава, пренесува Танјуг.
Напаѓачот кој со својот автомобил влетал во демонстрантите на улица во Минхен е идентификуван како Фархад Н., 24-годишен Авганистанец кој дошол во Германија во 2016 година да побара азил, што му било одбиено, но минатата година добил дозвола за престој.
Како што пренесува германски Билд, тој е роден во 2001 година во Кабул, Авганистан, а од неодамна живее во областа Лимес во Минхен, пренесува Танјуг.