Кремљ го прифаќа извинувањето на српскиот претседател Александар Вучиќ за грешката при гласањето за „антируската резолуција“ во Генералното собрание на Обединетите нации, изјави вчера портпаролот на Кремљ, Дмитриј Песков.
„Се разбира, го слушнавме извинувањето и го прифаќаме. Се случуваат технички грешки и таквата брза реакција на шефот на државата не импресионира многу“, рече Песков, пренесе РИА и Танјуг.
Вучиќ синоќа изјави дека Србија гласала за усвојување на европската резолуција за Украина, но оти смета дека таа направила грешка и требало да се воздржи.
„Мислам дека Србија направи грешка денеска. За тоа им се извинувам на граѓаните на Србија, а вината за тоа ја преземам сам, затоа што веројатно сум уморен и оптоварен и не можам се да завршам“, изјави Вучиќ на ТВ Хепи.
Што се однесува до американската резолуција, гласавме точно како што треба, се воздржавме, рече Вучиќ.
„Според мене, требаше да бидеме воздржани по прашањето за европската резолуција. И како што гледате, ова го кажувам во време кога е сосема јасно дека поради тоа ќе изгубам наклонетост или политички поени во ЕУ. Верувам дека Србија мораше да биде воздржана“, рече тој, и додаде дека нема кого да обвинува освен себе си.