Повеќе од 10.000 Унгарци се собраа овој вторник на протест против Орбан. Последната капка што ги мотивираше да излезат на мостот Елизабета во Будимпешта беше неодамнешното усвојување на законот против ЛГБТК со кој владата на Виктор Орбан, меѓу другото, го забрани одржувањето на Прајд.
„Долу Орбан! Сакаме демократија“, извикуваа тие веејќи знамиња со виножито, по што почнаа координирано да скандираат „Русија оди си“. „Коруптивниот систем заѕвони, луѓето почнуваат да се будат и сакаат промени“, изјави 60-годишната Агица Тотне за АФП, а нејзиниот став го потврди независниот претставник Акос Хадхази, организатор на протестот.
„Нема да застанеме додека не го укинат овој срамен закон! Технофашистите немаат место во Европската унија. Организаторите на протестот предупредуваат дека сцените на кои Унгарија беше сведок во вторник ќе бидат само први во низата и најавија дека и покрај забраните на Орбан, 30-та Прајд ќе ја одржат во Будимпешта на 28 јуни, како што е планирано.
Заради контекст, треба да се забележи дека партијата Тиса, која беше основана пред само неколку месеци од поранешен соработник на Виктор Орбан, според повеќето релевантни анкети, вклучително и онаа на Политико, формално го презеде водството на национално ниво и сега е поддржана од дури 41 процент од Унгарците, во споредба со Фидес на Орбан, кој ги поддржуваат само 30 проценти.
Зголемениот број на корупциски скандали, неконтролираната инфлација на која не му се гледа крајот и сè потоксичниот однос со Европската унија, го намалува рејтингот на Фидес, пишува Јутарни.хр.