Поранешниот премиер на Велика Британија, Борис Џонсон, кој беше на функција пред четири години кога започна руската инвазија на Украина, денес изјави дека Украинците „се борат како херои додека Западот чека“.
„Како што оваа ужасна и непотребна војна влегува во својата петта година, Западот, а особено Соединетите Американски Држави, мора да разберат една вистина: Путин не сака да ја заврши оваа војна. Путин не сака мир. Тој нема да го запре крвопролевањето сè додека не се соочи со многу поголем притисок“, напиша Џонсон на платформата X.
Поранешниот британски премиер повика на запленување на целата руска „фантомска“ флота што се користи за заобиколување на санкциите.
„Ајде и да ги одмрзнеме и сите замрзнати средства на Русија и да ги предадеме на Украина. Ајде да им го дадеме на Украинците оружјето што им е потребно за да ги уништат сите руски фабрики за беспилотни летала. Да го направиме сето ова сега“, додаде Џонсон.
Руската економија е во криза, загубите на Русија се значителни, рече поранешниот конзервативен британски премиер.
„Меѓутоа, на оваа тажна годишнина од инвазијата на Путин, основниот проблем останува ист каков што беше во изминатите четири години. Украинците се борат херојски, додека ние на Запад одолговлекуваме и одложуваме одлуки. Западот може да ја заврши војната оваа година ако престанеме да се чекаме“, изјави Џонсон.