Постепено подигање на возраста за пензионирање до 67 година и зголемување на ДДВ-то се дел од новите предлози на Грција пред меѓународните кредитори, јавува Ројтерс.

ДДВ-то (минималните и максималните стапки и врз кои сектори) и пензиите се двете главни прашања кои ги спречуваат двата преговарачи земји да стигнат до договор. Други спорни точки се: фискалните цели – колку и за кој временски период Грција “треба да ги затегне појасите”; промени на пазарот на трудот – доверителите сакаат полесно да се вработуваат и отпуштаат луѓе во Грција; долгот – да се заборави или да се едноставни, неприфатливо за некои кредитори; продолжување на меѓународната спасувачка програма – Грција сака, а доверителите не.
Сепак преговарачите не можат да се разберат и за примарниот буџетски суфицит. Атина сака да е под 1%, а доверителите се категорични да биде над тоа ниво. Во претходните предлози Грција инсистираше за 0,75%.

Претходно денеска ЕК соопшти дека новите реформи пакет на Грција е “добра основа за напредок”.

Според новите реформи, во пакетот Атина нуди постепено зголемување на возраста за пензионирање до 67 година, а се поставени и некои исклучоци. Според “Гардијан” клучно е прашањето за каков период ќе се случи тоа.

Грција нуди исто основната стапка на ДДВ-то да биде на ниво од 23%, 13% за енергија и основни намирници и 6% за лекови и книги. Атина како целина се согласила да бидат оданочувани повеќе производи со примарниот ДДВ, но се уште сака да се задржи минималната стапка од 6%. Доверителите инсистираат минималната стапка да се промени.

Претставник на еврозоната, изјави дека не се очекува денес доверителите да формулираат заеднички став, бидејќи се потребни неколку дена за појаснување.
Предлозите на Грција се чекор кон склучување на договор во следните денови, соопштија европски претставници.

До 30 јуни Грција треба да го отплати 1,6 милијарди евра на Меѓународниот монетарен фонд.

Во меѓувреме, германскиот канцелар Ангела Меркел изјави пред новинари во градот Магдебург дека може да потрае неколку дена пред да се постигне договор со Грција.

Таа предупреди дека на денешната средба на лидерите на земјите од еврозоната може да не се донесат никакви одлуки, но тоа може да се промени, ако доверителите излезат со препораки.

Францускиот претседател Франсоа Оланд исто претпазливо коментираше дека вечерва може да не биде склучен договор.

Германскиот министер за финансии Волфганг Шојбле изјави дека Еврогрупата не добила никакви нови предлози и дека нема промена од средбата на еврозоната во четвртокот.

Пред средбата на министрите за финансии од монетарната унија, тој додаде дека без значајни предлози “ние не можеме сериозно да подготвиме средба за Грција”.

Според него Меѓународниот монетарен фонд не добил никакви нови грчки предлози.

Шефот на Еврогрупата Јерун Дејселблум истакна дека новите грчки предлози пристигнале предоцна и дека е невозможно да се направи крајната оценка. “Ќе видиме дали имаме база за финални разговори”, додаде тој.