Американскиот министер за одбрана Пит Хегсет издаде интерни инструкции до Пентагон да започне со протерување на трансродовите војници кои нема да изберат да заминат до 6 јуни, според меморандум до кој дошла Ројтерс.
Пентагон не одговори веднаш на барањето за коментар, а одлуката веднаш беше осудена од активистите за права на трансродовите лица. „Тоа е едноставно срамно“, рече Џенифер Леви, виш директор на про-ЛГБТК правната група GLAD Law. „Бесмислено е да се забрзува отпуштањето од армијата на луѓе кои ги исполнуваат стандардите и ги ризикуваат своите животи за да ја бранат земјата“, додаде таа.
Меморандумот на Хегсет илустрира како администрацијата на претседателот Доналд Трамп има намера брзо да дејствува за да отстрани илјадници трансродови припадници на војската откако одлуката на Врховниот суд во вторник го отвори патот за стапување во сила на забраната.