Кина: Да знаевме, ќе се обидевме да ја спречиме војната во Украина

Кинескиот амбасадор во САД Чин Ганг изјави дека кинеската влада не знаела дека ќе има војна во Украина.

„Тврдењата дека Кина знаела, се согласила или премолчено ја поддржувала оваа војна се чиста дезинформација. „Сите овие тврдења служат само за префрлање на вината на Кина и фрлање кал врз Кина“, изјави кинескиот амбасадор за Вашингтон пост, коментирајќи ги медиумските шпекулации и тврдења дека Кина наводно знаела за руската воена акција и претходно и дека наводно побарал од Русија да ја одложи до завршувањето на Зимските олимписки игри.