Воената операција на Русија во Украина не е инвазија. Ова денеска го изјави кинескиот заменик министер за надворешни работи Хуа Чунин, цитиран од CNBC.
Таа одби да го опише рускиот напад како „инвазија“ и не ги осуди постапките на Москва, за разлика од нејзините колеги од другите водечки светски сили, кои остро реагираа на постапките на Путин.
Тој најави напад врз Украина претходно во текот на денот, а потоа и експлозии во Киев и други градови во земјата. За неколку часа, лидерите на САД, Германија, Обединетото Кралство и други земји го осудија рускиот напад.
„САД ги потикнаа пламените јазици, ги распалуваа. Како сега сакаат да го изгаснат пожарот?“, рече Хуа Чунин.
Според неа, Русија е „независна светска сила“ која може да преземе акција на сопствен ризик. Таа постојано ги цитираше изјавите на руската влада за Украина, како што е тврдењето на московското Министерство за одбрана дека руските вооружени сили не напаѓаат украински градови.
„Кина внимателно ја следи ситуацијата. Она што го гледате денес не е она што сакавме да го видиме. Се надеваме дека сите земји ќе можат да се вратат на дијалогот и преговорите“, изјави кинескиот заменик министер за надворешни работи.
Непосредно пред отворањето на Зимските олимписки игри во Пекинг, рускиот претседател Владимир Путин се сретна со неговиот кинески колега Си Џинпинг, потсетува CNBC.
По средбата тие издадоа заедничко соопштение во кое експлицитно не се споменува Украина по име, туку нагласија дека двете земји се против „натамошното проширување“ на НАТО и дека „нема ограничени или забранети области на соработка меѓу Русија и Кина“.