Руски воени претставници тврдат дека пет лица кои се обиделе да се пробијат од Украина преку руската граница се убиени, пренесува Ројтерс.
Официјални лица велат дека руските војници и граничари спречиле „украински саботери“ да ја пробијат границата. Украински вооружени возила се уништени во руската област Ростов.
Според новинската агенција Интерфакс, конфликтот се случил околу 06:00 часот по московско време во Ростовската област во близина на границата меѓу Русија и Украина.
Граничарите на руската тајна служба ФСБ ја откриле наводната „диверзантска група“ на украинската армија и побарале помош од припадниците на Јужниот воен округ.
Единица на руската армија уништила две возила на украинската армија, за кои се тврди дека ја преминале границата, со оган од противтенковско оружје, се вели во официјалното соопштение испратено до Интерфакс.