Новинарите и вработените во зградата на Радио Белград добија наредба да ја напуштат зградата до 17 часот, а викендов ќе им биде дозволено да работат само на „проверените новинари“, изјави за агенцијата Бета извор од државната радио станица, а пренесува „Индекс.хр“.
На новинарите ќе им биде дозволено да се вратат на работните места дури во понеделник, откако ќе заврши големиот студентски протест што утре ќе се одржи во Белград.
Како што соопшти извор од Радио Белград, на вработените во вториот, третиот и четвртиот канал им е изречена забрана за работа. Овие три програми ќе емитуваат само претходно снимени емисии за време на викендот.
„На Првата програма ќе работат само проверени новинари „лојални на раководството и режимот“, изјави извор за Бета.
„А можеби, од безбедносни причини, работат од друга локација“, додаде тој.
Претходно, некои новинари на Радио Белград ги поддржаа синдикатите на РТС, кои бараат разрешување на уредникот на информативната програма и бараат јавниот радиодифузен сервис да започне вистинито да известува за студентските протести.