Папата Франциско во болница одобри декрети за нови кандидати за канонизација

Папата Франциско, и покрај тоа што беше хоспитализиран и во критична состојба, беше доволно добро да се сретне со државниот секретар на Ватикан за да одобри декрети за нови кандидати за можна канонизација.

Оваа средба се одржа завчера, а декретите беа објавени вчера во дневниот билтен на Светата столица, пренесе АП. Лекарите рекоа дека папата и понатаму е во критична состојба поради билатерална пневмонија, но има „благо подобрување“ во некои лабораториски резултати.
Во текот на денот, Папата продолжи да работи од својата болничка соба, а меѓу неговите активности беше и повикувањето на парохијата во Газа, со која е во контакт од почетокот на војната.