Меѓународниот монетарен фонд потврди денеска дека неговиот сегашен извршен директор е единствениот кандидат да ја води глобалната финансиска институција кога нејзиниот прв мандат ќе истече подоцна годинава, пренесува „Франс24.“
„Во периодот за поднесување номинации, кој беше затворен еден ден порано, номиниран е еден кандидат, актуелната иzвршна директорка на ММФ, Кристалина Георгиева“, се вели во соопштението на ММФ.
Најавата го прави речиси сигурно враќањето на Георгиева на главната функција во ММФ откако нејзиниот мандат ќе заврши на 30 септември.
Според контроверзниот, повеќедецениски договор меѓу Европа и САД, Меѓународниот монетарен фонд историски го води Европеец, а Светската банка американски државјанин. Овој непишан договор беше реафирмиран минатата година кога администрацијата на Бајден го номинираше Аџај Банга, роден во Индија и натурализиран државјанин на САД, да раководи со Светската банка, која се наоѓа прекупат од ММФ во Вашингтон.
Од ММФ рекоа дека нивниот извршен одбор се надева оти ќе го заврши процесот на селекција до крајот на април.
Георгиева (70) раководи со ММФ од 2019 година, а минатиот месец за изјави за АФП дека се остава на располагање „ да служам, ако луѓето сакаат јас да служам“. За време на нејзиниот мандат, ММФ им помогна на земјите кои се соочуваат со финансиски тешкотии за време на пандемијата на коронавирус, како и во хаосот предизвикан од руската инвазија на Украина, особено во Европа.
Георгиева во 2021 година се соочи со обвинувања – што таа силно ги негираше – дека била вклучена во измена на популарниот деловен извештај на Светска банка со цел да ја фаворизира Кина кога работеше во развојниот заемодавец.
Но, по разгледувањето на извештајот на Светска банка за инцидентот, извршниот одбор на ММФ ги отфрли обвинувањата и ја потврди својата доверба за Георгиева, дозволувајќи ѝ да остане на функцијата.
Георгиева, кој е бугарската државјанка, доби поддршка од клучните европски сојузници, вклучително и од министрите за финансии на Европската Унија, како и од Димитар Радев, шефот на Бугарската централна банка, кој гарантираше дека таа ќе биде повторно номинирана.
Во своето интервју за АФП, Георгиева рече дека ако биде реизбрана, „во работата ќе ја внесе решеноста Фондот да биде институција која тежнее кон решавање на најпредизвикувачките проблеми со кои се соочуваме“.
Овие предизвици вклучуваат зајакнување на продуктивноста и растот, „за повеќе луѓе да имаат подобри шанси“, справување со покачените нивоа на долг по пандемијата и правење на ММФ „поинклузивен и порепрезентативен, за да може да ја ужива довербата на нашите членови и луѓе,“ додаде таа.
„Осамената“ номинација на Георгиева ја отсликува онаа на Банга, кој се кандидираше за функцијата во Светска банка без противник откако беше предложен од американскиот претседател Џо Бајден. Поранешниот извршен директор на Mastercard ги презеде уздите на развојниот заемодавач минатото лето, и оттогаш се впушти во мисијата да го „поправи водоводот“ на банката за да може да работи поефективно.
Георгиева и Банга ќе бидат домаќини на светските финансиски лидери на пролетните состаноци на ММФ и Светската банка во Вашингтон подоцна овој месец. Денешното соопштение значи дека состаноците ќе продолжат без потенцијална битка за иднината на ММФ да им го одзема вниманието во заднината.