Русија и Иран ќе ја зајакнат воената соработка и ќе се борат против заедничките закани, меѓу останатото и против меѓународниот тероризам, изјави денеска рускиот министер за одбрана Сергеј Шојгу, по средбата со иранскиот колега Хосеин Деган, кој е во посета на Москва.
– Сигурен сум дека нашата средба ќе придонесе за пријателска врска меѓу руските и иранските вооружени сили, вели Шојгу.
Иранскиот министер кој допатувал во понеделник се сретнал и со рускиот претседател Владимир Путин, како и со потпретседателот на владата, Димитриј Рогозин.
– Нашата земја е пред истите предизвици и закани во блискоисточкиот регион и само со заеднички сили може да ги совладаме, вели Сергеј Шојгу, рускиот министер за одбрана.
Двајцата министри разговарале за мерките за развој на воената соработка меѓу двете земји и ги поставиле правните темели на потпишување на преговорите меѓу Техеран и Москва.
-Русија и Иран се спремни да ги усогласат ставовите со голем број светски и регионални прашања, вели Шојгу.