Шведскиот премиер Улф Кристерсон штотуку објави изјава за пукањето во училишниот кампус во Оребро, велејќи дека „ова е многу болен ден за цела Шведска“.
„Моите мисли се со погодените и нивните семејства. Моите мисли се и со сите оние чијшто вообичаен училишен ден е заменет со терор. Да се биде затворен во училница плашејќи се за својот живот е кошмар што никој не треба да го доживее“, напиша тој во објавата на платформата Х.
Кристерсон вели дека владата е во близок контакт со полицијата и го следи развојот на настаните.
-Акцијата сè уште е во тек и важно е јавноста да ги следи информациите од полицијата. Ги повикувам луѓето да дозволат полицијата да работи без мешање за да може да истражи што се случило и како можеле да се случат овие ужасни злосторства, вели тој.