Украинците тврдат: Русија им кажува на војниците дека војната мора да заврши до 9 мај

Русија им порачува на своите војници дека војната мора да заврши до 9 мај, денот кога Русија го слави Денот на победата над нацистичка Германија, соопшти Генералштабот на вооружените сили на Украина.

Во исто време, британското Министерство за одбрана во својот најнов извештај наведува дека борбените сили на Украина извршиле напади врз важни цели во областите што моментално ги држат Русите.

Според Министерството, некои од целите вклучуваат летало и складишта за муниција во Бердјанск, пристанишен град на југоисток.

Исто така, се посочува дека Украина продолжила со ракетирање на логистичките средства во областите под руска контрола, а тоа значи дека руската армија ќе мора да размислува за одбрана на синџирот на снабдување.