Глув Афроамериканец со церебрална парализа се соочи со обвинение за давање отпор при апсење и тежок напад, а сега полицајците кои го уапсија се под истрага.
Двајца полицајци од Феникс, Бенџамин Харис и Кајл Сју, го собориле 34-годишниот Тајрон МекАлпин на подот во август, а потоа постојано го удирале со тупаници и електрошокови.
Вознемирувачката снимка покажува дека МекАлпин гледа во својот мобилен телефон додека шета низ паркингот додека полицајците се возат во полициско возило. Полицијата се обидела да го спречи откако маж пријавил дека некој го удрил додека се обидувал да му го украде велосипедот.
„Еј пријателе, застани таму каде што си“, вели полицаецот додека автомобилот се движи кон МекАлпин.
Надзорните снимки покажуваат дека речиси веднаш полицаецот скокнал од автомобилот, се нафрлил на МекАлпин. Полицаецот во изјавата вели дека МекАлпин „го ставил своето тело во борбен став“, но на видеото се гледа дека 34-годишникот се обидува да се ослободи од контролата на полицаецот.
Тогаш работите стануваат насилни. Друг офицер му приоѓа, го зграпчува МекАлпин и го соборува на земја, со лицето надолу. Полицајците потоа го зашеметуваат и го удираат глувиот човек додека е прикован на подот.
Недолго по инцидентот, една жена им пришла и рекла дека МекАлпин и е сопруг и дека бил на телефон со неа кога се случил инцидентот. „Тој е глув и има церебрална парализа“, рекла таа. Таа додала дека зборувале на знаковен јазик.
МекАлпин заврши во притвор, обвинет за напад врз полицаец и за давање отпор при апсење, покажуваат судските записи.
Полицајците се уште се на активна должност, изјави полицијата на Феникс за Си-Ен-Ен.