Ова обвинение против нејзиниот поранешен сопруг доаѓа само една недела откако Вирџинија Џуфре објави на Инстаграм дека се бори за живот во болница.
Успеав да им одолеам на Гислајн Максвел и Џефри Епштајн кои ме злоупотребуваа и ме продаваа. Но, не можев да избегам од семејното насилство во мојот брак. Но, сега е доста! По последниот физички напад на мојот сопруг, повеќе не можам да молчам вели Вирџинија Робертс Џуфре, 41-годишната американска жртва на мрежата за трговија со луѓе на починатиот бизнисмен и осуден сексуален престапник Џефри Епштајн, која тврди дека била сексуално нападната од британскиот принц Ендру кога имала 17 години. Сега таа го обвини нејзиниот сопруг Роберт Џуфре со кој се 22 години во брак.
Обвинението доаѓа само една недела откако Вирџинија Џуфре објави на Инстаграм дека се бори за живот во болница, откако на 24 март во автомобилот во кој се возела удрил училишен автобус кој патувал со 110 километри на час.
– Бубрезите ми откажуваат, ми дадоа уште четири дена живот. Ме префрлаат во специјалистичка уролошка болница, напиша Џуфре на Инстаграм со фотографија на која е во болнички кревет.
Полицијата во Западна Австралија и Квинсленд изјави за австралиски „Дејли мејл“ дека нема регистрирана автобуска несреќа, а портпаролот на полицијата на Западна Австралија подоцна додаде дека дознале за „помал судир“ меѓу автобус и автомобил во Ниргаби, северно од Перт. Според полицијата, судирот го пријавил возачот на автобусот, при што изјавиле дека автомобилот претрпел штета од 2000 австралиски долари, а во несреќата нема извештаи за повредени.
Полицијата: „Тоа беше лесен судир“
Но, во врска со последното обвинение поврзано со Роберто Џуфри, полицијата потврдува дека Вирџинија им го пријавила нападот што се случи на 9 јануари 2025 година во Дансборо. И покрај пријавата, полицијата не поднела пријава против Роберто Џуфри.
– Мислам дека во последниот инцидент што го имаа Вирџинија за малку ќе умреше. Ова го дознавме од неа во телефонски разговор, изјавила за „People“ Аманда Робертс, сопруга на братот на Вирџинија, Скај, која додава дека е тешко да се процени дали нејзините последни здравствени проблеми се резултат на тепањето на нејзиниот сопруг или учеството во сообраќајна несреќа.
– Не сум медицински експерт, тешко ми е да го утврдам тоа. Но, мислам дека судирот со автобусот е еден вид божји благослов за неа бидејќи после тоа дошла во болница каде лекарите ќе се грижат за неа, изјави за „People“ братот на Вирџинија, кој очигледно е загрижен за сериозните повреди на неговата сестра.