Трошоците на компонентите за персоналните компјутери вртоглаво растат бидејќи изградбата на инфраструктура за вештачка интелигенција создава екстремна побарувачка во време на ограничена понуда. HP вели дека притисокот особено силно ја погодува RAM меморијата на персоналните компјутери, при што таа сега сочинува 35 проценти од вкупните трошоци за производство на еден систем.
„Минатиот квартал, објавивме дека трошоците за меморија и складирање изнесуваа приближно 15 до 18 проценти од нашиот материјал за изработување на персонални компјутери, а сега проценуваме дека годинава ќе изнесуваат приближно 35 процентиIT “, изјави финансиската директорка на HP, Карен Паркхил во најновиот финансиски извештај на компанијата. Таа, исто така, потврди дека дел од одговорот на компанијата ќе биде зголемување на цените. Samsung, исто така, предупреди за потенцијално зголемување на цените поради недостиг на меморија предизвикан од развојот на вештачката интелигенција.
Повисоките цени за жал станаа норма за купувачите на персонални компјутери, особено во 2026 година, а кризата со RAM меморијата игра голема улога. Привремениот извршен директор на HP, Брус Брусард, изјави дека иако „верува дека пазарот ќе се рационализира со текот на времето“, компанијата прави сè што може за да додаде нови добавувачи, како и да ја прошири набавката со меморија по пониски цени.
Раководителите на HP исто така изјавија дека забележуваат зголемена побарувачка за компјутери со вештачка интелигенција, истакнувајќи дека 35 проценти од продажбата на персонални компјутери на HP се компјутери со вештачка интелигенција. Ова доаѓа во време кога индустријата испраќа мешани сигнали, како што е тврдењето на Dell дека потрошувачите всушност не се интересираат за компјутерите со вештачка интелигенција.
Вештачката интелигенција ги троши светските резерви на меморија, а компании како Micron дури и ги напуштија своите потрошувачки брендови за да се фокусираат целосно на B2B понудите. И другите компоненти, како што се графичките картички, исто така се под притисок.