Ракетите на американските воздухопловни сили, наменети за базите на Исламската држава во Сирија, осамнаа со натпис “Од Париз со љубов”, пишува “Дејли мејл”. Авторот на пораката не е познат, но тоа најверојатно се американски војници, кои ќе ги бомбардираат позициите на џихадистите во Сирија.
Сликите со ракети и бомби, на кои е напишана пораката се објавени на социјалните мрежи.
Исламската држава ја презеде одговорноста за крвавите напади во Франција,во кои во петокот загинаа 129 лица. Претседателот на Франција изјави дека нападите се “знак за војна” и земјата го возврати ударот со 20 бомби врз позициите на исламистите во Сирија.
Операцијата на француските воздухопловни сили е најголема откако земјата почна да ја напаѓа Исламската држава во септември.