Без разлика дали вашата коса е здрава или оштетена од суровите зимски услови, негата и ревитализацијата  никогаш не се излишни.

Со доаѓањето на пролетта настапува и моментот за комплетно реновирање и детоксикација на организмот.

Знаеме дека во косата полагаме бројни состојки кои циркулираат во телото. Тие можат да ги оштетат нејзините квалитети и да ја натераат да изгледа истоштена и сува.

Домашните пролетни маски за потхранување и ревитализација на косата одземаат само 30 минути за примена, а му даваат толку многу на влакното! Еве ги нашите предлози:

Маска со кокос и мед

Оваа маска е идеална за оштетена коса. Кокосово масло и медот имаат својства кои ја негуваат оштетената коса. Измешајте 1 лажица кокосово масло со 1 лажица мед.
За да направите маска малку лесна за нанесување, загрејте ја смесата за кратко во микробранова печка или во тенџере на водена бања. По нанесување оставете косата да се исуши. Потоа исплакнете и измијте ја со шампон.

Маска “банана шејк”

Оваа маска е погодна за коса, изложена на континуирано влијание на климатизери, како и силни ветрови и ниски температури. За најдобри резултати треба да ја оставите маската да делува не помалку од 20-25 минути.
Измешајте 2 смачкани банани, 1 лажица кокосово млеко и 1 лажица мед. Состојките можат да се мешаат рачно или во блендер. Маската се нанесува на сува коса. Се остава да делува 25 минути и измива со шампон.

Маска со авокадо и жолчка

Авокадото обезбедува многу влага и помага за нејзино задржување во длабочина на влакното.
Измешајте убаво една жолчка, една лажичка екстра девственото маслиново масло и една лажичка мед. Одделно испасирајте го авокадото или столчете го до фина текстура. Потоа измешајте го со останатите производи и нанесете на влажна коса.
Оставете ја смесата да делува врз скалпот за околу 15-20 минути и исплакнете.

Маска со мајонез и авокадо

Оваа маска е одлична за сува и оштетена коса на која ѝ е потребна дополнителна влага. Измешајте во сад ½ авокадо, ¼ чаша мајонез, 1 лажица кокосово масло, 1 лажичка маслиново масло, 1 лажичка мед и ¼ чаша мајонез.
Ако имате блендер ќе ви биде полесно да ги измешате состојките до хомогена смеса. Нанесете ја маската на мокра коса. Ставете ја во капа за бања и останете така 30-40 минути. Важно е потоа да ја измиете косата со млака вода, не топла. Така ќе се задржи повеќе влага во косата.