Лекарите на авиокомпанија “Луфтханза” ги прекршиле правилата, што не го информирале Федерално управување за цивилна авијација во Германија за депресијата на вториот пилот на урнатиот авион во Алпите – Андреас Лубиц, пренесе РИА Новости, повикувајќи се на германски медиуми.

Според изданието Welt am Sonntag, од април 2013 година медицинскиот персонал на “Луфтханза” бил должен да доставува до институцијата информации за тешките болести на пилотите. Во медицинскиот картон на вториот пилот Лубиц имало забелешка со која се препорачува управата да биде информирана за здравствените проблеми на пилот. Сепак таква постапка не била направена.