Продолжуваат напорите за пронаоѓање на преживеани по катастрофалниот земјотрес во Непал. Бројот на загинатите надмина 5.000, а премиерот рече дека може и да се двојно повеќе и да ги надминат жртвите од катастрофалниот земјотрес во земјата пред 81 години. Спасувачите успеаја да извадат преживеан човек под урнатините 80 часа по земјотресот. Сите 180 алпинисти, блокирани по земјотресот во подножјето на Еверест, се транспортирани со хеликоптери. Во болница во Катманду починал уште еден алпинист од Јапонија, со што загинатите од лавината под Еверест станаа 19.