🎥 Се запалил автобус кој превезувал деца во близина на Врњачка Бања

Се запалил автобус кој превезувал деца на екскурзија во српскиот град Станишинци, недалеку од Врњачка Бања, пренесува „Н1“. Како што се наведува, во автобусот имало вкупно 76 ученици и што е најважно нема повредени.

Пожарот избувнал во моторниот простор на автобусот. Инцидентот бил пријавен околу 14 часот и 10 минути, а на местото на настанот пристигнала полиција и пожарникари.

Станува збор за деца од основното училиште „Момчило Живојиновиќ“ од Младеновац.