Над 1.000 борци на либанската милитантна група Хезболах се повредени во координиран напад на Израел, кога на нив експлодирале нивните пејџери за комуникација, јавуваат светските медиуми.
Тајмс оф Израел, повикувајќи се на либански медиуми, наведува дека пејџерите со експлозив во Либан повредиле околу 1.000 луѓе.
🚨 Breaking: Tens of Hezbollah communication devices are exploding during the past hour. Initial reports state that over one hundred Hezbollah terrorists already injured.
Here’s footage from two such explosion 👇 pic.twitter.com/rMwdRWsTGB
— Dr. Eli David (@DrEliDavid) September 17, 2024
Повеќе од 1.000 луѓе беа повредени во, како што рече извор на Хезболах, најголемиот безбедносен пропуст во речиси една година конфликт со Израел.
Израел наводно хакирал комуникациски уреди што ги користел Хезболах, предизвикувајќи нивна експлозија.
Според извештаите, меѓу 1.000 борци, најмалку пет биле тешко ранети.
Иранскиот амбасадор во Либан, Мојтаба Амани, е меѓу над 1.000 повредени во серијата експлозии на пејџер низ Либан и Сирија, јавува иранската новинска агенција Мехр.
Либанските медиуми јавуваат дека болниците се во состојба на готовност, а Министерството за здравство на Бејрут повикува на дарување крв.
Израел сè уште официјално не го коментирал инцидентот, иако помошник на премиерот Бенјамин Нетанјаху сугерираше дека зад нападот стои Ерусалим. Од кабинетот на премиерот брзо се оградија од таа забелешка.
BREAKING: Over 1,200 Hezbollah Terorrists injured and many successfully eliminated.
Iran’s ambassador to Lebanon also one of the injured.
Israel is going ALL-IN. ⚔️
— Vivid.🇮🇱 (@VividProwess) September 17, 2024
Социјалните мрежи се преплавени со страшни снимки од Либан, а крв е насекаде.
Видеата се доста вознемирувачки, па нема да ги објавуваме.
Претходно, висок претставник на военото разузнавање и службеник на либанска група, исто така, изјавија за АП дека пејџерите што ги носеле членовите на Хезболах експлодирале.
Според АП, официјален претставник на Хезболах изјавил дека најмалку 150 луѓе, вклучително и членови на групата, биле повредени во различни делови на Либан кога уредите експлодирале.
Во соопштението од кабинетот на либанскиот премиер се вели дека биле информирани за „безбедносните инциденти што се случиле во неколку региони“.