🎥 Трагедија во Катманду: Авион се излизга од пистата, 18 патници загинаа, преживеа само пилотот 

Авион со 19 луѓе денеска се излизгал од пистата додека се обидувал да полета од аеродромот во Катманду во Непал, само пилотот преживеал додека сите 18 патници загинале.

Авионот на Sauria Airlines требаше да лета од Катманду до одморалиштето Похара. Сè уште не е јасно како тој се излизгал од пистата.

Снимките од локалните медиуми покажуваат чад и расфрлани остатоци од авионот.
Се наведува дека пожарот е ставен под контрола.

Меѓународниот аеродром Трибуван, главниот аеродром во Непал за меѓународни и домашни летови, е затворен.

Во Катманду е сезона на монсуните, но тоа време не врнеше. Сепак, видливоста беше слаба.