Силно невреме во четвртокот погоди делови од Германија. Во Хамбург настана хаос откако сообраќајот запре. Бројни возила беа потопени, улиците беа под вода. На социјалните мрежи се споделуваат неверојатни видеа од поплавата од различни делови на Германија. На нив се прикажани возила кои „пливаат“ во вода, поплавен стадион, улици, подруми, гаражи…
Противпожарната служба во Хамбург соопшти дека за само неколку часа имало повеќе од 600 интервенции.
Скршените гранки и паднатите дрвја предизвикаа застој во сообраќајот. Рутата на возот меѓу Хамбург и Бремен е затворена.
Германската метеоролошка служба предупреди на невреме во северна Германија со обилни врнежи од дожд до 60 литри вода на метар квадратен.
Во Дрезден, вработените во супермаркетот се чувствувале лошо откако супермаркетот бил погоден од гром.
– Жена и маж се пожалиле на главоболки и мачнини, соопштија пожарникарите.
Удар на гром предизвика дефект во системот за ладење. Покрај тоа, по удар на гром низ супермаркетот се проширил хемиски мирис, чија причина не е јасна.
Невреме со грмотевици во Северна Рајна-Вестфалија
Според податоците на градот, за краток период наврнале и до 100 литри дожд на метар квадратен за време на силната бура во Детмолд во Северна Рајна Вестфалија. Над североисточниот дел на градот избувна невреме со огромна сила, се вели во соопштението.
За споредба, Северна Рајна-Вестфалија забележала просечни 91 литри дожд на метар квадратен во текот на април, што е околу 50 отсто повеќе отколку во просечните години.
Сојузниот автопат 239 е поплавен во должина од околу два километри. Водата на обиколницата била висока околу 60 сантиметри, изјави вечерта портпаролот на полицијата.
Невреме во Тиријгија – удари на гром и поплави
Во четвртокот вечерта силни грмотевици имаше и во делови на Тирингија. Сојузниот автопат А 281 кај Нојхаус е затворен поради поплави, изјави портпаролката на ситуациониот центар при Министерството за внатрешни работи во Ерфурт.
Според одговорниот контролен центар за спасување, противпожарната служба била распоредена во Гертаузен во југозападна Тирингија за да ги испумпува подрумите. По силниот дожд, делови од градот накратко останаа под вода. Ситуацијата повторно се смири“, беше кажано вечерта. Напладне гром удрил во куќа во Илменау (област Илм) и направила голема штета.
Акции во Хесен и Хамбург – во прекин меѓуградскиот сообраќај
Во областа Хесен во Херсфелд-Ротенбург, доброволната противпожарна служба одговори на повеќе од 200 мисии до раните вечерни часови. Претежно се работеше за полни подруми и поплавени улици. Во Хановер неколку паркови се затворени поради предупредувања за тешки временски услови.
Четврто ниво на предупредување во Баден-Виртемберг
Германската метеоролошка служба (DWD) веќе во средата прогласи четврто ниво на метео предупредување за јужниот дел на Баден-Виртемберг: „Екстремни бури“. Земјата беше погодена од обилни дождови, невреме и град.
Во Баден-Виртемберг неколку железнички линии беа прекинати во различни региони.
Градската железница во Штутгарт во вечерните часови соопшти дека трасата помеѓу Рор и Боблинген моментално е проодна само на една пруга, бидејќи на шините има паднати дрвја.
На социјалните мрежи се појави видео од поплавениот стадион ТСГ Хофенхајм. Видеото најверојатно е снимено во средата попладне кога Синсхајм бил во центарот на бурата. Од клубот се уште не ги објавиле снимките.
In Hamburg schwimmen die Autos, in Hoffenheim wird aus dem Fußballfeld ein Schwimmbecken.
Aber Hauptsache die Schuldenbremse eingehalten.
— Peter Jelinek (@Peter_Jelinek) June 27, 2024