Џоан Колинс изненади со својот изглед на Еми наградите, а фановите не веруваат дека има 90 години.
Актерската дива Џоан Колинс пред неколку дена беше на доделувањето на Еми наградите, а сите што ја видоа останаа без зборови, пренесе Стандард лајф.
Во текот на вечерта Џоан на сцената го прогласи победникот во една категорија, а фотографиите од 90-годишната жена го обиколија светот.
Таа носеше син фустан кој паѓаше по телото до подот, а елегантните ракавици во иста боја го направија нејзиниот аутфит уште поелегантен.
Социјалните мрежи беа преплавени со коментари на интернет корисници кои не можеа да поверуваат дека таа е толку стара и така изгледа. Еден напишал: „Би сакал сите да знаат дека Џоан Колинс има буквално 90 години. Тоа е дива“.
„Не разбирам како има 90 години. Кралицата“, „Џоан Колинс не остарела од 1979 година“, „Добро, каква вампирска диета држи Џоан Колинс? Девојчето има 90!“, се пошегуваа многумина.
Инаку, Џоан беше секс-симбол во 80-тите. Таа ја постигна улогата што ја прослави во „Династија“, а глумеше и во бројни филмски продукции како „Пастув“, „Земја на фараонот“ и други.
Секогаш е интересно да се спомене дека таа се мажела дури пет пати во животот.
Таа се обиде да најде среќа со Максвел Рид, Ентони Њули, Рон Кас и Питер Холм. Со вториот сопруг Ентони има две деца Тара и Александар Њули, додека со третиот сопруг Рон ја доби ќерката Катјана Кас.
Перси Гибсон го освои нејзиното срце по петти пат, а актерката и денес е во брак со него. Џоан не крие колку е среќна со својот сопруг, со кој е во брак во последните 20 години и покрај тоа што е 31 година помлад од неа. Тој ја придружуваше и на доделувањето на Еми наградите.