Обединетите Нации на предлог на Светската Здравствена Организација вчера конечено ја препознаа медицинската вредност на канабисот. Со историското гласање, канабисот е повлечен од листа 4 – листа на супстанции со мали или без терапевтски бенефиции.
ХОПС- Опции за здрав живот Скопје како организација која долги години учествува во работата на Обединетите Нациии преку разни тела и комисии за дроги ја поздравува оваа одлука и смета дека таа ќе придонесе за подобрување на здравјето на многу луѓе, а вооедно ќе озвозможи и значајно забрзување на сите клинички испитувања за лековитата моќ на канабисот.
Сакаме да потенцираме дека оваа историска одлука можеше да биде уште поголема ако ОН изгласаа и повлекување на канабисот од листата 1 – листа на строго контролирани супстанци. За жал овој пат тоа не се случи, па канабисот и понатаму се класифицира како супстанца со висок ризик на зависност и останува во рамките на истите строги меѓународни норми за контрола кои важат и за хероинот.
Сепак процесот на менување на меѓународните закони е започнат и прашање на време е кога големите промени ќе се случат. Гласањето за декласификација на канабисот од листата 4 беше многу тесно, бидејќи 27 држави гласаа за , 1 држава беше воздржана а 25 држави гласаа против. Согласно ова, неопходно е ваквата одлука на ОН соодветно да се инкорпорира и во нашето национално законодавство.