„Здраво, ова е Навални. Знам кој сакаше да ме убие“, изјавил Алексеј Навални, руски опозициски лидер, најголемиот борец против режимот на Владимир Путин, за агентите на Федералната служба за безбедност,

„Луѓето што ви ги откривам се тајни атентатори. Да, да, тоа е како во филм, само ова е реален живот. Наместо тоа, постудено е од кој било филм“, рекол Навални.

„Случајот со мојот обид за атентат е решен. Ние ги знаеме имињата на убијците. Ние ги знаеме нивните адреси. Ние го знаеме местото каде што работат: ФСБ. Ги познаваме организаторите, но и нарачателите.

Заговор на ФСБ

Имено, таен тим кој работи за руската шпионска агенција ФСБ (Федерална служба за безбедност) го отрул опозицискиот активист Алексеј Навални во август, откако претходно го следел на патувањата.

Повикувајќи се на обемни телекомуникациски, како и на податоци од патувањата, веб агенцијата “Bellingcat” известува дека овој шпионски одред го следел Навални од 2017-та година. Операцијата очигледно започнала откако Навални најавил дека ќе му се спротивстави на Владимир Путин на претседателските избори.

Надзорниот тим на ФСБ го следел на повеќе од 30 дестинации, велат од “Bellingcat”.

“Можеби прв пат се обиделе да го отрујат во јули оваа година, кога Навални отпатувал за Калининград на романтично патување со сопругата Јулија. Во текот на патувањето, на Јулија нагло и се слошило. Седела во кафуле на плажа, а потоа со мака успеала да дојде до хотелот”.