Холандија утринава ги забрани летовите од Велика Британија до крајот на годината, обидувајќи се да се заштити од новиот вид на коронависрусот кој се шири на југот на Англија.
Владата соопшти дека реагира на острите мерки кои вчера ги воведе британскиот премиер, Борис Џонсон за Лондон и југоистокот на Англија.
Холандија посочи дека и за останатите земји од ЕУ ја разгледува можноста да го ограничи увозот на вирусот од Велика Британија.
Џонсон посочи дека е можно новиот вид на коронавирус се шири за 70% побрзо.
„Нема доказ дека станува збор за смртоносен облик на вирусот ил дека тој ги предизвикува тешките случаи на болести. Исто така, нема доаз дека вакцината ќе биде помалку ефикасна против новиот облик“, истакна Џонсон.
Холандската влада ги предупреди своите граѓани да не патуваат доколку тоа е неопходно.
Велика Британија укажа на СЗО дека новиот вид брзо се шири, наведувајќи дека околу 60% се заразени во Лондон.